Nagplano ako na musuroy sa iban
Pero unhon ta man, ikaw ra may ako hingkaganingan
Wayay makalabaw, ngadto nganhi an panaw
Pinakamarajaw dinhi sa Surigao.

Pirmi ikaw ang mahinumduman
Kay ikaw mahigugmaon sanan mapaubsanon man.

Ikaw ra gajod, Cantilan
Mga panan-awon didto, lisod kalimtan
Ikaw ra gajod, Cantilan
Kabukiran, kadagatan ganing surujan
Cantilan, ikaw ra gajod, ikaw ra gihapon.

Mga tawo, na mahigay-unon, matam-is sanan malipajon
Ang kalinaw para sa lungsod, pirmi tag dumdom
Pagkamingaw bijaan, pagkamingaw pulihan
Dili ikabaylo matod pa sa kadaghanan.

Mga gwapo, mga gwapa pirmi mo makit-an
Mga buotan na silingan, mga bisita inatiman
Mga katawhan nagtinabangay para sa kalamboan
Mga tam-is na katawa na wayay kataposan.

Pagkalinaw sa paglibot, pagkapresko sa hangin
Arang kagana, arang gajod kaganing
Ayoke, Libtong, Casa Rica sanan Huyamao Island
Nagkalain-laing destinasyon, garbo nan tanan
Ugsa kung kamo tag-ayahan, kanhi na sa Cantilan!