shriimaan.h veN^kaTa naathaaryaH kavitaarkika kesarii |
vedaantaa chaarya varyome sannidhattaaM sadaahR^idi ||

ekam.h vegavatii madhye hastishaile cha dR^ishyate.
upaaya phala bhaavena svayaM vyaktaM paraM mahaH..1

iiShTe gamayitum.h paarameSha seturabha~NguraH.
yatra saarasvataM sroto vishraamyati vishR^i~Nkhalam.h..2

jayati jagadesetuH vegavatii madhya laxito devaH.
prashamayati yaH prajaanaam.h prathitaan.h saMsaara jaladhi kallolaan.h..3

vibhaatu me chetasi viShNu setuH
vegaapagaa vega vighaata hetuH.
ambhoja yoneryadupaj~nam.h aasiit.h
abha~Nga raxaa hayamedha diixaa..4

chaturaanana saptatantu goptaa
saritaM vegavatiim.h asau nirundhan.h.
paripuShyati ma~Ngalaani puMsaaM
bhagavad.h bhaktimataaM yathoktakaarii..5

shriimaan.h pitaamaha vadhuu paricharyamaaNaH
shete bhuja~Nga shayane sa mahaa bhuja~NgaH.
pratyaadi shanti bhava sa~ncharaNaM prajaanaaM
bhaktaanu ganturiha yasya gataagataani..6

prashamita hayamedha vyaapadaM padmayoneH
shrita jana paratantraM sheSha bhoge shayaanam.h.
sharaNamupagataaH smaH shaanta niH sheShe doSham.h
shatamakha maNi setum.h shaashvataM vegavatyaaH..7

sharaNam.h upagataanaaM so.ayamaadesha kaarii
shamayati paritaapaM saMmukhaH sarva jantoH.
shataguNa pariNaamaH sannidhau yasya nityam.h
vara vitaraNa bhuumaa vaaraNaadriish varasya..8

kaa~nchii bhaagyaM kamala nilayaa chetaso.abhiiShTa siddhiH
kalyaaNaanaaM nidhira vikalaH ko.api kaaruNya raashiH.
puNyaanaaM naH pariNatirasau bhuuShayan.h bhogishayyaaM
vegaa setur.h jayati vipulo vishva raxaikahetuH..9

vegaasetor.h idam.h stotram.h ve~NkaTeshena nirmitam.h.
ye paThanti janaasteShaaM yathoktaM kurute hariH..10