shrImaan.h ve~NkaTa naathaaryaH kavitaarkika kesarI.
vedaantaachaarya varyo me sannidhattaaM sadaa hR^idi..
GYaanaananda mayaM devaM nirmalasphaTikaakR^itim.h .
aadhaaraM sarva vidyaanaaM hayagriivam upaasmahe .. 1 ..

svatassiddhaM shuddhasphaTika maNibhuubhR^it.h pratibhaTaM
sudhaa sadhriichiibhir.h dhutibhir.h avadaata tribhuvanam.h .
anantaistrayyantair.h anuvihita heShaa halahalaM
hataa sheShaa vadyaM hayavadana miiDii mahi mahaH .. 2 ..

samaahaarassaamnaaM pratipadamR^ichaaM dhaama yajuShaaM
layaH pratyuuhaanaaM laharivitatirvedhajaladheH .
kathaa darpakShubhyat.h kathakakula kolaaha labhavaM
haratvantar.h dhvaantaM hayavadana heShaa halahalaH .. 3 ..

praachii sandhyaa kaachidantar.h nishaayaaH
praGYaadR^iShTer.h aJNjana shriirapuurvaa .
vaktrii vedaan.h bhaatu me vaaji vaktraa
vaagii shaakhyaa vaasudevasya muurtiH .. 4 ..

vishuddha viGYaana ghana svaruupaM
viGYaana vishraaNana baddha diikSham.h .
dayaanidhiM dehabhR^itaaM sharaNyaM
devaM hayagriivam ahaM prapadye .. 5 ..

apauruSheyair.h api vaakprapaJNchaiH
adyaapi te bhuuti madR^iShTa paaraam.h .
stuvannahaM mugdha iti tvayaiva
kaaruNyato naatha kaTaakShaNiiyaH .. 6 ..

daakShiNya ramyaa girishasya muurtiH
devii sarojaasana dharmapatnii .
vyaasaadayo.api vyapadeshcha vaachaH
sphuranti sarve tava shakti leshaiH .. 7 ..

mando.abhaviShyan.h niyataM viriJNcho
vaachaaM nidhe vaJNchita bhaaga dheyaH .
daityaa paniitaan.h dayayaiva bhuuyo.api
adhyaapayiShyo nigamaan.h na chet.h tvam.h .. 8 ..

vitarka DolaaM vyavadhuuya satve
bR^ihaspatiM vartayase yatastvam.h .
tenaiva deva tridasheshvaraaNaam.h
aspR^iShTa Dolaayitamaadhi raajyam.h .. 9 ..

agnou samiddhaarchiShi saptatantoH
aatasthivaan.h mantramayaM shariiram.h .
akhaNDa saarair.h haviShaaM pradaanaiH
aapyaayanaM vyoma sadaaM vidhatse .. 10 ..

yanmuulamiidR^ik.h pratibhaati tatvaM
yaa muulamaamnaaya mahaadrumaaNaam.h .
tatvena jaananti vishuddha satvaaH
tvaam akSharaam akShara maatR^ikaaM te .. 11 ..

avyaakR^itaad.h vyaakR^ita vaanasi tvaM
naamaani ruupaaNi cha yaani puurvam.h .
shaMsanti teShaaM charamaaM pratiShTaaM
vaagiishvara tvaaM tvadupaGYa vaachaH .. 12 ..

mugdhendu niShyanda vilobha niiyaaM
muurtiM tavaananda sudhaa prasuutim.h .
vipashchitashchetasi bhaavayante
velaa mudaaraamiva dugdha sindhoH .. 13 ..

manogataM pashyati yaH sadaa tvaaM
maniiShiNaaM maanasa raaja haMsam.h .
svayaM purobhaava vivaadabhaajaH
kiMkurvate tasya giro yathaarham.h .. 14 ..

api kShaNaardhaM kalayanti ye tvaaM
aaplaavayantaM vishadair.h mayuukhaiH .
vaachaaM pravaahair.h anivaaritaiste
mandaakiniiM mandayituM kShamante .. 15 ..

svaamin.h bhavaddhyaana sudhaabhiShekaat.h
vahanti dhanyaaH pulakaanubandham.h .
alakShite kvaapi niruuDha muulaM
aN^geShvivaanandathum.h aN^kurantam.h .. 16 ..

svaamin.h pratiichaa hR^idayena dhanyaaH
tvaddhyaana chandrodaya vardhamaanam.h .
amaanta maananda payodhimantaH
payobhirakShNaaM parivaahayanti .. 17 ..

svairaanubhaavaas.h tvadadhiina bhaavaaH
samR^iddha viiryaas.h tvadanugraheNa .
vipashchito naatha taranti maayaaM
vaihaarikiiM mohana piJNchhikaaM te .. 18 ..

praaN^ nirmitaanaaM tapasaaM vipaakaaH
pratyagra nishshreyasa saMpado me .
samedhiShiiraMstava paada padme
saMkalpa chintaamaNayaH praNaamaaH .. 19 ..

vilupta muurdhanya lipikra maaNaaM
surendra chuuDaapada laalitaanaam.h .
tvadaMghriraajiiva rajaH kaNaanaaM
bhuuyaan.h prasaado mayi naatha bhuuyaat.h .. 20 ..

parisphuran.h nuupura chitrabhaanu -
prakaasha nirdhuuta tamonuShaN^gaam.h .
padadvayiiM te parichin.h mahe.antaH
prabodha raajiiva vibhaata sandhyaam.h .. 21 ..

tvat.h kiN^karaa laMkaraNo chitaanaaM
tvayaiva kalpaantara paalitaanaam.h .
maJNjupraNaadaM maNinuupuraM te
maJNjuuShikaaM veda giraaM pratiimaH .. 22 ..

sa.nchintayaami pratibhaada shaasthaan.h
sa.ndhukShayantaM samaya pradiipaan.h .
viGYaana kalpadruma pallavaabhaM
vyaakhyaana mudraa madhuraM karaM te .. 23 ..

chitte karomi sphuritaakShamaalaM
savyetaraM naatha karaM tvadiiyam.h .
GYaanaamR^ito daJNchana lampaTaanaaM
liilaa ghaTiiyantra mivaashritaanaam.h .. 24 ..

prabodha sindhoraruNaiH prakaashaiH
pravaala saN^ghaata mivodvahantam.h .
vibhaavaye deva sapustakaM te
vaamaM karaM dakShiNam aashritaanaam.h .. 25 ..

tamaaMsi bhitvaa vishadairmayuukhaiH
saMpriiNayantaM viduShashchakoraan.h .
nishaamaye tvaaM nava puNDariike
sharadghane chandramiva sphurantam.h .. 26 ..

dishantu me deva sadaa tvadiiyaaH
dayaa taraN^gaanucharaaH kaTaakShaaH .
shrotreShu puMsaam.h amR^itaM kSharantiiM
sarasvatiiM saMshrita kaamadhenum.h .. 27 ..

visheSha vitpaariSha deShu naatha
vidagdha goShThii samaraaN^gaNeShu .
jigiiShato me kavitaarki kendraan.h
jihvaagra siMhaasanam abhyupeyaaH .. 28 ..

tvaaM chintayan.h tvanmayataaM prapannaH
tvaamudgR^iNan.h shabda mayena dhaamnaa .
svaamin.h samaajeShu samedhiShiiya
svachchhanda vaadaahava baddha shuuraH .. 29 ..

naanaa vidhaanaamagatiH kalaanaaM
na chaapi tiirtheShu kR^itaavataaraH .
dhruvaM tavaanaatha parigrahaayaaH
navaM navaM paatramahaM dayaayaaH .. 30 ..

akampaniiyaan.h yapaniiti bhedaiH
ala.nkR^iShiiran.h hR^idayaM madiiyam.h .
shaN^kaa kalaN^kaa pagamojjvalaani
tatvaani samyaJNchi tava prasaadaat.h .. 31 ..

vyaakhyaa mudraaM karasarasijaiH pustakaM shaN^ka chakre
bibhrad.h bhinnasphaTika ruchire puNDariike niShaNNaH .
amlaanashriir.h amR^ita vishadair.h aMshubhiH plaavayan.h maaM
aavirbhuuyaa danagha mahimaa maanase vaaga dhiishaH .. 32 ..

vaagartha siddhihetoH
paThata hayagriiva saMstutiM bhaktyaa .
kavitaarkika kesariNaa
veN^kaTa naathena virachitaa metaam.h .. 33 ..