Kaarwan abhi chala hai yaaron
kafan liye muh pe muskan sajaye…
himakat aur Gaurav me fark bhool baithe hai..
ab andho ko rasta kon dikhaye…

Mandir masjid khoob tatola
Manjeere bhi humne bohot bajaye
Har dhalta din us malaal ko ghoorta raha..
Dil ka tha jo wazan badhaye..

Jismo ki is duniya me,
Roohe tatolna kon sikhaye
Dango me main bhi maara jaunga
log bhaage Phirte hai yaha apna dharam bachaye..

Bebasi raste me padi milegi
bhrashtachaar apna daaman failaaye
Nafratein guhaar lagati dikhengi
Roshni par haavi dikhenge saaye

Bachpan se lekar jawani tak
Samajh-dariyan chor kar khudki manmani tak..
Ye ek jaal hai…
Ab koi inko kaise samjhaye…
Himakat aur Gaurav me fark bhool baithe hai..
Ab in andho ko rasta kon dikhaye..

- thanshu guliani