Tumane manushy yoni men mujhe janam dekar
Jo karj chadha rakha tha mujh par
Us karj ka payi - payi, sud-samul jivan bhar
Ro-rokar maine kishton men hai chukka diya
Ab n to main tumhara karjdar rahi
N hi tum mere maalik rahe

Yah shyamal desh tumhaara, sirf karmalok hai
Kolahal, vikal, nairashy bhare jivan ka
Yahan kshaN bhar bhi aaram nahin
PraN das hai kriyatantr ka
Udwelit hai udadhi, laharaa rahi hai vyakulata
Asafalata ka avalamb lekar chaDh rahi hai pida

Manuj ghumataa rahata haathon men chhinn patr liye
Bund- bund kar gir rahe, jivan ras ko sameTane
Tum to baiThe rahate ho, anant niil laharon par
Tumako pata kahan hai, kitane bhikhari
Tumhare dwar se, khali haath lauT gaye
Jivan purNataa ko pane, kya- kya kar fir rahe

Shaayad aakhari ho yah sitam tumhara
Yah manakar main har sitam sahati rahi
Tulasi kanan dur sahi, dekh - dekh jiti rahi
Bar- bar vayu tadit ban mujhako Darata raha
Ek din sitare, Antariksh ka chaukaTH langhakar
Mere aangan utarenge, sochakar main jagati rahi