ما حد يا دارنا ما حد من ريحة الأحباب
مرق ودق الباب
ما حد نادى من الجيران
يا فلان يا ريس الحقنا ع المينا
ولا النسيم يا دار رجع أغانينا
ما حد
تأزيد عليك الهم
تأذكرك بعيون مكحلة بالهم
ما بسألك عن طفلة ع حفاف
الطريق مكوفلة بالليل
وختيار صابه العمى
كسروا عصاته وارتمى
بكيت لدمعه الأرض والليل والسما
ما بسألك عن بنت مختار البلد
اللي اشترت لأخوها وبحق الأساور والحلق
كمشة فشك
ما بسألك يا دار
وين حط الحمام لما انقصف غصن السلام؟