Young Donald is the blythest lad
That e'er made love to me;
Whene'er he's by my heart is glad,
He's aye so kind and free;
Then on his pipe he plays so sweet,
And in his plaid he looks sae neat,
It cheers my heart at eve to meet
Young Donald of Dundee.

Whene'er I gang to yonder grove,
Young Davie follows me,
And fain he wants to be my love--
But, ah! that canna be:
Tho' mither frets baith soon and late,
For me to wed this youth I hate,
There's nane need hope to win young Kate,
But Donald of Dundee.

When last we rang'd the banks of Tay,
The ring he shew'd to me,
And bade me name the bridal day,
Then happy wou'd he be:
I ken the youth will aye prove kind,
Nae mair my mither will I mind,
Mess John to me shall quickly bind
Young Donald of Dundee.