maanaa ke musht-e-Khaak se barhakar nahiin huuN main
lekin havaa ke raham-o-karam par nahiin huuN main

insaan huuN dharakate huye dil pe haath rakh
yuuN Duubakar na dekh samundar nahiin huuN main

chehare pe mal rahaa huuN siyaahii nasiib kii
aaiinaa haath mein hai sikander nahiin huuN main

Gaalib terii zamiin mein likkhii to hai Gazal
tere kad-e-suKhan ke baraabar nahiin huuN main