hawa ki awaz
khushk paton ki sarsarahat se bhar gai
rosh-rosh par fatada phulon ne
lakhon nauhe jaga diye hain

sileti shuayen
buland peron par gul machate
siyah kawon ki qafilon se ati hui hain
har ek janib khizan k qasid lapak rahe hain
har ek janib khizan ki awaz gunjati hai

har ek basti kashkash-e-marg-o-zindagi se nidhal hokar
musafiron ko pukarti hai k- ao
mujh ko khizan k bemahar
talKh ehsas se bachao