diidaa-e-hairaaN ne tamaashaa kiyaa
der talak vo mujhe dekhaa kiyaa

aaNkh na lagne se sab ehbaab ne
aaNkh ke lag jaane kaa charchaa kiyaa

un se pariivash ko na dekhe ko'ii
mujh ko merii sharm ne rusvaa kiyaa

zindagii hijr bhii, ek maut bhii
marg ne kyaa kaar-e-masiihaa kiyaa

jor kaa shikvaa na karuuN zulm hai
raaz meraa sabr ne afshaa kiyaa

rah'm-e-falak aur mere haal par
tuune karam ai sitam-aaraa kiyaa