We trow in God allanerlie,
Full of all micht and Maiestie.
Maker of hein and eird sa braid
Quhilk hes him self our Father maid
And we his Sonnis ar in deid,
He will vs keip in all our neid
Baith saull and body to defend.
That na mischance sall vs offend,
He takis cure baith day and nicht,
To saue vs throw his godly micht
Fra Sathains subteltie and flicht.
We trow in Iesus Christ his Sone,
God lyke in gloir, our Lord alone.
Quhilk for his mercy and his grace,
Wald man be borne to mak our peace
Of Mary Mother Uirgin chaist
Consauit be the haly Gaist.
And for our saik on croce did die,
Fra Sin and hell to mak vs fre.
And rais from deith (throw his Godheid
Our Mediator and our remeid,
Sall cum to Iudge baith quick and deid.
We trow in God the haly Spreit,
In all distres our comfort sweit,
We trow the Kirk Catholick be.
And faithfull Christin companie
Throw all the warld with ane accord,
Remissioun of our Sin we trow,
And this same flesche that leuis now
Sall stand vp at the latter day,
And bruik Eternall lyfe for ay.