Do handler med Skrøwter, som hwer Mand ved,
og do forstaar æ, saa mari!
De Bøgger, a skrøw i mi' Ansigts Swed,
dem sæ'ler do laant under Pari.

Og kløftig det æ' do, tak Skam dæ for de',
saa møj der no blywer bor te' dæ
det skuld' da go mir end ondele te,
om ett der war nøj, der hænd' ve' dæ.

No, Lykk' ve' di' Disk, og Lykk' i di' Stow'!
Vi ka' saagu aalsammel træng' æ!
Og gjør mæ saa aalle di' Priser saa grow',
te ett a ka' praang' med dæ længe.