Mami, ti suh
​​Mami, ha suh
​​A mawi lo
​​Mami, melh suh
​​Mami, sawi suh
​​A tha lo
​​I ti leh ta maw ...

​​A dik alawm
​​Zilh zel rawh
​​Zilh hauhna duhawm an ni e ...
​​Hmangaihna aw ka
​​Tunge mamawh lo leh
​​Thatpui lo awm ngai
​​Fel sa renga piang tu kan awm si lo

​​Kan zilh cham chi e
​​Mami hi
​​Inchhungah leh
​​khawtlangah nen
​​Radio-ah te
​​T.V-ah pawh
​​Weekly-ah lam in

​​Hmeichhe tha leh fel awm dan
​​​- inchei dan mawi
​​​- mi biangbiak dan
​​​- rawngbawl tui dan
​​​- inchhung enkawl dan
​​​- fa te enkawl dan leh
​​​- mo fel nih dan tur lam in

​​Zo lanu
​​I vannei e
​​Heng zilhna zawngte hian
​​Rah tha an la nei mawlh ang
​​Nge ni an nei der tawh le ?
​​I pasal tur an vang ti in
​​Khawtlang kan buai ta e law ...

​​Hawh u khai
​​Mami pasal tur
​​Mama hi
​​Thlahthlam tawh lawng
​​Kei zawng ka lainat e ...
​​I'm nobody's child ang zia zang in
​​Zilhtu reng a nei ve lo

​​Fel hian luat a nei mawlh lo
​​Awm dan mawi te
​​I hrilh ve ang
​​Fa tha nih dan leh
​​Nupui fanau enkawl dan te pawh
​​In leh lo din a
​​Chhungkaw kaihhruai dan thlengin mawle

​​A mamawh hlei hlei Mama hian
​​Eng vang nge i ti a maw ...
​​Hnam humhimtu a ni miau
​​A kokiah hnam future a in nghat e
​​Lanu hian amah chauhin
​​Hnam a chawimawiin
​​A mualpho zo lo

​​Nakin
​​Hnam khaipa tur
​​Mama hi
​​I tuai hriam ang khai
​​Tunah hian
​​A that loh chuan
​​Zoram tan hmabak a thim