Inzwai!
Hondo iyi yakarwiwa nesu isu vaive overseas,
Ndisu takaita mobilise mari nerutsigiro rwekunze
Uku tichirovawo chikoro, kugadzirira future yenyika

Aiwa!
Hondo yakarwiwa nesu vanamukoma vemusango,
Ndisu takarova gidi uku tichiita politicise ruzhinhi,
Tichirara musango muchirimo, muzhezha nemuchando

Bodo!
Hondo yakarwiwa nesu isu vanamujibha naanachimbwido,
Ndisu taitakura zvombo uku tichiita reconnaissance,
Tichiwachira varwi nhumbi, uku sadza tichibika mabhodho.

Nyangwe!
Hondo yakarwiwa nesu isu vabereki mumamisha,
Ndisu taitenga nhumbi, matanga tikatsvaira ose,
Uku tichitsigira nemorari, midzimu tichiteketera.

Hongu, tinotenda!
Hondo yakarwiwa, ropa rikayerera, misha ikaparara,
Nhasi nyika yataida yava yedu, takaisunungura,
Asika ndiani ane kiyi dzedura renyika pakati penyu,
Ativhurire tinokorere vana zviyo tivabvuwire kasadza,
Hezvo miromo yavo yati papata kunge vapoteri vehondo.