Maikada raat gham ka ghar nikla
Dil haweli tale khandar nikla

Main use dhundta tha aankhon mein
Phool ban kar wo shaakh par nikla

Kis key saaye mein sar chhupaoge
Wo shajar dhoop ka shajar nikla

Us ka aanchal bhi koi baadal tha
Wo hawaaon ka hamsafar nikla

Koi kaghaz na tha lifafe mein
Sirf titli ka eik par nikla

Jab se jaana ke wo bahaadur hain
Dil se kuchh dushmanon ka dar nikla

Zindagi ik faqeer ki chadar
Jab dhake paon hamne sar nikla