Yestreen the Queen had four Maries
The nicht she'll hae but three
There was Mary Seton, and Mary Beaton,
And Mary Carmichael and me.

Oh, often hae I dressed my Queen,
And pit gowd in her hair
But noo ah've gotten for my reward
The gallows tae be my share.

Oh little did my mither ken
The day she cradled me
The lands I wis tae traivel in
Or the death I was tae dee.

Oh, happy, happy is the lass
That's born o beauty free
It wis ma dimplin, rosy cheeks
That's been the dule o me.

Yestreen the Queen had four Maries
The nicht she'll hae but three
There was Mary Seton, and Mary Beaton,
And Mary Carmichael and me.