أنا لسه جوايا مليون فكرة وصوت
فيه حاجة ف كياني مش راح ترضى بالموت
فيه حاجة ف قلبي بتقول إني حعيش
كل شيء بيغيب
كل شيء بيروح بعيد
إنما أنا مش حاموت
فيه جوه عنيكي لهفة فرحة ووعود
فيه جوه عنيكي ميلاد بكرة جديد
كل شيء ف عنيكي ربيع
كل شيء بديع
وانا مش حاموت
أزهاري .. أفكاري
كل دفاتر كتاباتي وأشعاري .. تراب
وحبي .. وقلبي .. وكل شيء ف عروقي كنت باخبيه
تراب ف تراب
آآآآآه تراب
قالوا لي فاضل لي من حياتي شهور
قالوا لي الحياة من بعدك برضه حتدور
كل شيء له بداية
كل شيء له نهاية
حتى أنا
أنا لسه جوايا مليون فكرة وصوت
في حاجة ف كياني مش حترضى بالموت
كل شيء له بداية
كل شيء له نهاية
إنما
إنما أنا مش حموت