Isay Paana Tha Uss Ko Khona Tha
Ye Bhi Hona Tha Wo Bhi Hona Tha

Kitni Dair Aur Uss Ko Rona Tha
Wo Jo Hona Tha, Wo To Hona Tha

Shaayad Iss Waastay Mili Aankhen
Bojh Kuch Aansu'on Ka Dhona Tha

Shab-E-Mehtaab, Aaftaab-E-Shaam
Aik Chandi Thi Aik Sona Tha

Kia Ghazab Ker Lia Hai Aankhon Ne
Mujhe To Tujh Se Chhup Ke Rona Tha

Hum Ne Moti Samajh Leay Thay Adeem
Warna Daaman Kisay Bhigona Tha