likhnaa use hoNtoN se, padhnaa lab-e-laaliinaa
us shoKh ko likh paDh ke siikhaa hai Gazal jiinaa

sab sang-e-malaamat ke ruKh ek hii jaanib hain
zad par huuN magar maiN hii, maiN hii huuN magar biinaa

paabasta sadaaoN kii zanjiir sii hai aage
aage na jaa is had se tham jaa..dil-e-Gamgiinaa

talvaar sii chaltii hai voh kaaT hai saaNsoN meN
kin Khuunii baguuloN kii zad par hai magar meraa siinaa

kab chaDhtaa huaa suuraj dharti pe utar aaye
kab raah meN ruk jaaye yah chaltaa huaa ziinaa